Batok Kalapa Penghisap Duit

Di jaman ayeuna nu pajeujeut ku deungdeuleuan,harengheng ku dedengean,kaayaan masyarakat nu teu walatra,pangangguran di mana-mana akibat lowongan gawe nu kudu make koneksi wae.

Iburna jalma pontang panting neangan jang nyukupan kabutuhan hirupna,ku ukuran di jaman ayeuna lumayan teu gampang ,sangampang malikeun dampal leungeun,,,,

Yeuh baraya aya jalan kaluarna.datangna ti mbah nu nyicingan goa meong..kieu saurna "batok kalapa batok kalapa"kitu saurna..pek we eta pikiran kudu di kumahakeun ??.di saliksik katerangan si mbah nu ngageugeuh guha meong tea pek teh wakca,,kieu dawuhan si mbah :

Pek ala eta kalap,di inum caina ubar hanaang,dahar kalapana lumayan ubar lapar patuangan,tah eta kalapa di beresihan,cokot batokna..omat tapasna tong di piceun,margi mubadir pami di piceun mah,kan mubadir teu kenging ku agama,saurna jadi baraya syetan pami ngamubadirkeun,tapi eta tapasna di anggo suluh di dapur kanggo ngahurungkeun hawu,.terus geus bolenang lenamh tina tapas jeng kalapa terus diragaji jadi dua bagian,atuh di beresihan batokna di serut serut make raut,di ulas ulas pake hamperas.sing beresih pokonamah sing luis lucir luis siga medan kamajaya.

Sanggeus eta batok kalapa luis lucir gumilincir,terus dikumahakeun mbah ??

si Mbah ngadawuh deui, "??bari biwirna si mbah kunyam kunyem gegereyeman teuing naon anu di gayeum,pok  si mbah ngomong,"omat anaking eta batok kalapa nu geus luis lucir tong di pake ngagebug orok nu karek lahir,bisi di giriwil kunu berwajib.Mun eta batok kalapa teu bisa ngisep duit,tah takol babatok mbah,,kitu si mbah bari sumpah.

Eta batok kalapa bawa ka tempat tempat anu rame anu loba ulubiungna jala rea,saperi alun-alun,pasar,supermarket, terminal jeng sajabaning eta,pokonamah tempat rame ku jala rea,,,cek si mbah bari siga nu kaleked.

Tah eta batok kalapa teh tangkarakeun bari jeung maneh kudu diuk,tong bari lulumpatan.pek diuk sing mernah di tempat nu di sebut tadi tea,,,atuh cing alalung duit lambar jeng duit recek asup kana eta batok..nya kitu kasep....!!!!!! eta batok kalapa teh siga jadi magnet ,bisa nyedot duit lambar jeng resehan..

sakitu we anaking papados ti mbah.

Ayeuna kumaha baraya???pek eta gugu papadah si mbah,mun baraya kataji mah,,

sakitu wae carita urang sunda ti simkuring,ieu mah tamuh lumaku teuing,da ieu mah carita heurey,carita kanu balingleung nu ngahuleng jentul wae,ngan ngalamun jeng ngalamun wae kedul embung usaha.angan angan we panjang jadi tulul amal.siga melak lamun di kebon sugan di ceborna ku mudah-mudahan atuh jadi nateh teuing,,sakitu gejlig tewewe.